ဦးစန်းလှိုင်ကို တချို့သောမီဒီယာများနှင့် သတင်းစာစောင်များက မြန်မာနိုင်ငံရဲ့ ရှေးအကျဆုံး ဂန္ထဝင်နဲ့ ဒဏ္ဍာရီအနုပညာရှင်အဖြစ် ဖော်ပြကြသလို သူ၏ အနုပညာလက်ရာများ၊ ပြပွဲများအကြောင်းကို လည်း ခမ်းနားစွာဖော်ပြလေ့ရှိသည်။ အမျိုးသားယဉ်ကျေးမှုနှင့် အနုပညာတက္ကသိုလ်ကျောင်းသူတစ်ဉီးဖြစ်သော မသွယ်သူဇာဆင့် (၂၀၀၂ – ၂၀၀၃)၊ (စ / ပခ -၁၁, ရသပန်းချီ) သည် ဦးစန်းလှိုင်ရဲ့ဘဝနှင့် အနုပညာလက်ရာများအကြောင်းကို ဘွဲ့ယူစာတမ်းအဖြစ် ပြုစုခဲ့ပါသည်။ အကြောင်းမှာ – ဦးစန်းလှိုင်သည် မြန်မာနိုင်ငံ၏ ထင်ရှားကျော်ကြားပေါ်လွင်သော အနုပညာရှင်တစ်ဦးဖြစ်သောကြောင့် ဖြစ်ပါ သည်။ ဒေါ်ခင်သန်းဖြူသည် ရန်ကုန် ပန်းချီ – ပန်းပုကျောင်း၊ ဝိဇ္ဇာ – သိပ္ပံတက္ကသိုလ် (ရန်ကုန်) အနုပညာအသင်းတို့တွင် ပညာလေ့လာဆည်းပူးခဲ့ပါသည်။

ဒေါ်ခင်သန်းဖြူသည် စာရေးဆရာမ၊ ပန်းချီဆရာမတစ်ဉီးအပြင် မြန်မာမဂ္ဂဇင်း၏ အယ်ဒီတာချုပ်တစ်ဉီးလည်း ဖြစ်ပါသည်။ သူမသည် ဆရာကြီးဦးစန်းလှိုင်အကြောင်းကို မြန်မာနိုင်ငံ၏ အသက်အကြီးဆုံး ဂန္ထဝင် ပန်းချီဆရာကြီး ဦးစန်းလှိုင် (သို့မဟုတ်) မြန်မာ့လွတ်လပ်ရေး မော်ကွန်းဝင်တစ်ဉီးဆိုသော ခေါင်းစဉ်ဖြင့် ဂုဏ်ပြုရေးသားခဲ့ပါသည်။ ဤစာအုပ်ကို ထုတ်ဝေခဲ့သော ‘Yukiko Entertainment’ ပိုင်ရှင် ဉီးမျိုးသော်မှာ ဆရာကြီး၏ မြေး ဖြစ်ပါသည်။ အဖိုးရဲ့ တန်ဖိုးမဖြတ်နိုင်သော ပန်းချီအနုပညာလက်ရာများကိုလည်း ဆက်လက်ထိန်းသိမ်းခဲ့ပါသည်။ သူသည်လည်း အနော်ရထာပန်းချီပြခန်းနှင့် ပထမနဂါးငွေ့တန်းကုမ္ပဏီ၏ ပိုင်ရှင်တစ်ဉီးလည်း ဖြစ်ပါသည်။